反對派只破唔立 直頭唔負責任

[size=4]6月8日報導指，飯盒會召集人梁家傑喺回應自由党立法會議員田北俊出席城市論壇時嘅提問稱，袋住先只會得唔償失，恐會袋一世，就算中央高層口頭承諾政改唔會袋一世，尚冇白紙黑字亦都唔會支持，目前反對派投否決票已冇懸念，除非中央有突破8.31框架嘅建議先至會考慮。
反對派議員捆綁式反對政府提出嘅政改方案，一旦方案被否決，香港社會將會面對諸多方面嘅傷害，而反對派似乎都冇話俾大家知會點解決呢啲問題。民主黨成員狄志遠6月8日亦都喺東方日報撰文稱，反對派只破唔立唔負責任。諗住幫香港爭取一個更加完善嘅民主制度係冇錯嘅，但又有冇諗過，當政改被否決之後，香港目前比8.31框架更加唔民主嘅政制將繼續保持可能至少十年，相信呢個更加唔符合大家嘅期望。
反對派否決宜家嘅政改方案後，下一步又諗住點做，點樣帶領香港走上更民主嘅道路？宜家聽到嘅，更多嘅係反對派否決嘅理由，好少聽到反對派點去處理方案否決後引發嘅社會同政治問題。如果只破唔立，似乎唔係負責任嘅做法，民眾又點會有信心撐你哋。
否就要負責任咁企出來，提出建議來解決現時同未來嘅政治困局，冇得把口，淨係識得空喊口號，咁樣只會阻礙香港政制發展。如果冇更好嘅建議就應該俾政改方案過咗先，否則政改方案被否決以後香港民主倒退，社會陷入困局，呢個責任邊個背得起，恐怕到時用選票來懲罰都為時已晚，造成嘅傷害亦都冇辦法估量。[/size]

[img]http://i.ktzhk.com/GwsM1Ma.jpg[/img]