2008-9-15 12:01
chankinfung11
[color=Red][size=4]I-Blue'z cafe總共有兩間分店,一間係旺角高氐大廈6樓,另一間係旺角登打士5樓.
呢一間cafe真係做死人,本人入職既時候係見侍應職位(仲要派咭片宣傳),$20一個鍾.
但係做左幾日.個老闆就要你做埋洗碗職位,其後,當你做左差唔多2個禮拜到,就要你學沖差唔多超過30多款既野飲.
點解?因為個老闆娘要你做埋水吧既職位囉!但係你既薪金仍然都係$20一個鍾,唔會加$俾你!
你返工既時間係老闆篇的,佢會一個禮拜篇一次你呢一個禮拜以黎你既返工時間.由於I-Blue'z cafe有兩間分店,
所以兩間都有唔同既時間,高氐大廈6樓就開2點收3點,旺角登打士5樓就開2點收4點.一忙起上黎就真係做到人都癩.:mad2:
佢係冇食飯時間,只不過當冇咁忙個陣,你就可以叫廚房整d野食俾你,但係食野其間一有野做,你咩都要放低唔准食去做野
好喇!要講出涼個到點出,呢間cafe係逢每月既5號出涼的,老闆同老闆娘係呢一日就要所有同事收哂工之後係其中一間分店開會.
啫係凌晨4點30,仲要開完會之後先出涼俾每一位同事,佢仲要唔係出現金,係出票...搞得黎都朝早6點.仆佢個街.
:huffy2:
最後要講辭職,當你辭職既時候,佢就要你係6個月裏都唔可以係高氐大廈同登打士任何一間cafe做.
所以各位靚仔靚女千奇唔好去I-Blue'z cafe做......[/size][/color]