雅虎贊助網站載入中...
遇見前度..........(好長吓,不喜勿入)
# 1
呢個唔係又講啲紅杏出牆或婚外情嘅post,但內容都可能會引起各位反感,只純粹個人觀感,煩請不喜勿插.
今晚無煮飯,同老公一齊出街食,途中遇見ex bf,唔知佢見唔見到我,但無緊要,反正對佢無晒感覺,照行.
之前同佢一齊到好心淡果陣識咗我老公,無講到分手又唔揾唔揾之下就無再聯絡,距離依家都年半.......年半你哋梗係覺得好快之嘛,我仲要結埋婚添.....係呀,因為同老公識咗半年佢就求婚,有人肯要就實應承.
同呢個ex實在有太多唔開心嘅嘢,一齊六年幾,自問盡晒女友責任,但佢只是老奉接受,無乜付出,仲當自己係金叵蘿,郁啲嫌三嫌四,以下就係其中例子:
1.永遠貪平食茶餐廳茶餐,唔夠兩点半都唔走入去,加兩蚊凍飲講成日,其實最後都係我埋單
2.成日呻窮,又唔諗吓開源節流,煙一定要食足咁多,有私煙買私煙,無私煙買平煙,煙仔加稅後日日喺度嘈
3.講到明唔結婚唔生仔,想嘅話就揾過個
4.佢生日我永遠有蛋糕禮物俾佢,我生日就自己攪掂
5.約咗睇戲食飯永恆遲到,我已經買埋票,嚟到sorry都無句,仲話要趕job嘥佢時間(佢做freelance designer)
6.記得有次嘈交,我已經喊晒口,佢仲要咄咄迫人,問佢:你係咪男人嚟㗎?有無風度㗎?佢話:無!
7.鬧親交都話我浪費佢青春,當咗自己劉德華
8.識咗咁多年無確定過女友身份,俾佢啲屋企人同friend遇到都介紹我係friend only,剩得我哋兩個果陣問佢,佢都係死唔肯答我係佢女友
9.因為想慳錢,佢喺工廠租個單位當公司同屋企,裝修果陣,我出晒力同佢一齊油閂,整牆紙買夜冷,仲叫埋老豆幫佢攪啲電工嘢(我老豆識整),事後佢完全無話俾封利是我老豆(唔關數目事,呢啲係禮貌)我自己俾番一仟蚊老豆(攪足四五日㗎)
10.成日話最好似阿姐同加英哥咁,得閒我去你度或者你去我度,好似一齊但又唔使負担果隻
11.頭果三年都仲好啲,尾果三年完全無做過,同守生寡無分別,當然同佢size好有關係,大極都得4吋,又幼,自悲唔敢做呱 .......咁多年我都無出過聲,仲想佢有番自信喺以前做完讚佢勁添.....出街行到G4咁又唔會拖手,都唔知係咪拍拖,問佢係咪想散又話唔係,吊足咁多年長齋鹽水.
12.話以前做design點威點勁,又識x皇joey y 同村史,同mxni 姐超friend,連阿蕉第一張被登果張咩相都俾佢鑑記係堅定流,同校長歌迷会会長又熟,成日喺歌迷会通訊寫嘢,校長又認得佢,好想寫首歌俾校長云云....成40歲人一有校長function就仆到去,同我食飯我俾都嫌嘥時間,去呢啲event又咁多錢同時間.
last,到咗08年尾度,見佢床單都好舊吓,建議買過張一齊去睇(費事買完俾佢話,所以拉埋佢去睇)------
第一句就係無錢,跟住我話我俾,但佢無反應,如是者過咗一排我再提,佢又話無錢,我又話我出,但今次我唔抵得頸彈多句:同你一齊咁多年,買乜嘢都好,就算只係for你,我都無問過你攞錢!.......
跟住佢就講一大堆佢無叫過我買係我自己話要買,富婆同乞兒拍拖唔通仲要個乞兒俾錢.....等等嘅偉論,呢次嘅床單事件就如當頭棒喝,本來我都諗住叠埋心水,咁多年啦,佢又無話偷食又無話散,唔結婚唔生仔,就當彼此係個伴就算........
但原來呢啲係我痴心妄想,佢咁多年都係咁自私,喺果吓我忽然醒覺無論我點無要求點付出都無用,我應該要放手,呢個男人我無福消受......
跟住喺無揾佢而又未同老公一齊果陣,佢都有揾過下我不過態度就照舊,我有睇過佢個blog,又寫埋啲樂壇維園阿伯嘅嘢,又講到自己咁多年有幾辛勞幾多挫折不過做人仍然有理想宗旨....等等......唉,寫出嚟就好似幾好睇,講到自己好似人類入面嘅滄海遺珠咁,但實際呢?不敢恭維.
同時,果陣都好憎佢,送俾佢果啲嘢想全部攞番走,最好大大聲當口當面鬧佢,呢的衰人做乜要忍佢 .......結果?當然無咁做,但家陣見到佢仍然係好憎佢(完全無愛,千祈唔好諗多咗),有無邊位師兄師姐有咁諗過?
如果你睇到呢度嘅話,好感激你,因為呢篇文寫得太長,要你嘥咁多時間,唔好意思,不過寫晒出嚟真係好似舒服啲,多謝你,祝各位生活愉快.
今晚無煮飯,同老公一齊出街食,途中遇見ex bf,唔知佢見唔見到我,但無緊要,反正對佢無晒感覺,照行.
之前同佢一齊到好心淡果陣識咗我老公,無講到分手又唔揾唔揾之下就無再聯絡,距離依家都年半.......年半你哋梗係覺得好快之嘛,我仲要結埋婚添.....係呀,因為同老公識咗半年佢就求婚,有人肯要就實應承.
同呢個ex實在有太多唔開心嘅嘢,一齊六年幾,自問盡晒女友責任,但佢只是老奉接受,無乜付出,仲當自己係金叵蘿,郁啲嫌三嫌四,以下就係其中例子:
1.永遠貪平食茶餐廳茶餐,唔夠兩点半都唔走入去,加兩蚊凍飲講成日,其實最後都係我埋單
2.成日呻窮,又唔諗吓開源節流,煙一定要食足咁多,有私煙買私煙,無私煙買平煙,煙仔加稅後日日喺度嘈
3.講到明唔結婚唔生仔,想嘅話就揾過個
4.佢生日我永遠有蛋糕禮物俾佢,我生日就自己攪掂
5.約咗睇戲食飯永恆遲到,我已經買埋票,嚟到sorry都無句,仲話要趕job嘥佢時間(佢做freelance designer)
6.記得有次嘈交,我已經喊晒口,佢仲要咄咄迫人,問佢:你係咪男人嚟㗎?有無風度㗎?佢話:無!
7.鬧親交都話我浪費佢青春,當咗自己劉德華
8.識咗咁多年無確定過女友身份,俾佢啲屋企人同friend遇到都介紹我係friend only,剩得我哋兩個果陣問佢,佢都係死唔肯答我係佢女友
9.因為想慳錢,佢喺工廠租個單位當公司同屋企,裝修果陣,我出晒力同佢一齊油閂,整牆紙買夜冷,仲叫埋老豆幫佢攪啲電工嘢(我老豆識整),事後佢完全無話俾封利是我老豆(唔關數目事,呢啲係禮貌)我自己俾番一仟蚊老豆(攪足四五日㗎)
10.成日話最好似阿姐同加英哥咁,得閒我去你度或者你去我度,好似一齊但又唔使負担果隻
11.頭果三年都仲好啲,尾果三年完全無做過,同守生寡無分別,當然同佢size好有關係,大極都得4吋,又幼,自悲唔敢做呱 .......咁多年我都無出過聲,仲想佢有番自信喺以前做完讚佢勁添.....出街行到G4咁又唔會拖手,都唔知係咪拍拖,問佢係咪想散又話唔係,吊足咁多年長齋鹽水.
12.話以前做design點威點勁,又識x皇joey y 同村史,同mxni 姐超friend,連阿蕉第一張被登果張咩相都俾佢鑑記係堅定流,同校長歌迷会会長又熟,成日喺歌迷会通訊寫嘢,校長又認得佢,好想寫首歌俾校長云云....成40歲人一有校長function就仆到去,同我食飯我俾都嫌嘥時間,去呢啲event又咁多錢同時間.
last,到咗08年尾度,見佢床單都好舊吓,建議買過張一齊去睇(費事買完俾佢話,所以拉埋佢去睇)------
第一句就係無錢,跟住我話我俾,但佢無反應,如是者過咗一排我再提,佢又話無錢,我又話我出,但今次我唔抵得頸彈多句:同你一齊咁多年,買乜嘢都好,就算只係for你,我都無問過你攞錢!.......
跟住佢就講一大堆佢無叫過我買係我自己話要買,富婆同乞兒拍拖唔通仲要個乞兒俾錢.....等等嘅偉論,呢次嘅床單事件就如當頭棒喝,本來我都諗住叠埋心水,咁多年啦,佢又無話偷食又無話散,唔結婚唔生仔,就當彼此係個伴就算........
但原來呢啲係我痴心妄想,佢咁多年都係咁自私,喺果吓我忽然醒覺無論我點無要求點付出都無用,我應該要放手,呢個男人我無福消受......
跟住喺無揾佢而又未同老公一齊果陣,佢都有揾過下我不過態度就照舊,我有睇過佢個blog,又寫埋啲樂壇維園阿伯嘅嘢,又講到自己咁多年有幾辛勞幾多挫折不過做人仍然有理想宗旨....等等......唉,寫出嚟就好似幾好睇,講到自己好似人類入面嘅滄海遺珠咁,但實際呢?不敢恭維.
同時,果陣都好憎佢,送俾佢果啲嘢想全部攞番走,最好大大聲當口當面鬧佢,呢的衰人做乜要忍佢 .......結果?當然無咁做,但家陣見到佢仍然係好憎佢(完全無愛,千祈唔好諗多咗),有無邊位師兄師姐有咁諗過?
如果你睇到呢度嘅話,好感激你,因為呢篇文寫得太長,要你嘥咁多時間,唔好意思,不過寫晒出嚟真係好似舒服啲,多謝你,祝各位生活愉快.